Mugardos na esquerda organiza unha charla sobre o dereito de autodeterminación

Mugardos na esquerda organiza un coloquio sobre o dereito de autodeterminación no que intervirá um membro da portavocia de Causa Galiza, entidade soberanista que agrupa a miles de persoas en favor do dereito de autodetermniación.

A charla terá lugar este mércores 20 de xullo ás 20:30h no centro cívico.

Acta da reunión de Mugardos na esquerda do domingo dia 5 de xuño de 2011

Publicamos as últimas decisións da Asemblea aberta de Mugardos na esquerda e o traballo a curto prazo para este mes de xuño. Así mesmo, no vozeiro a públicar nas próximas datas informaremos das actividades que desenvolveremos a curto prazo.

Acta da reunión de Mugardos na esquerda domingo dia 5 de xunho de 2011:

· Vozeiro informativo. Acordase realizarmos un vozeiro . O primeiro sairá o dia 12 deste mes e recolherá a seguinte información:
- Valoración do resultado electoral.
- Valoración da investidura.
- Novas actividades.



· Charlas previstas.
- O 22 de Xuño charla sobre “A problemática do trasporte no concello de Mugardos: mobilidade e sustentabilidade” (propostas para cubrir as necesidades da vecinhanza e a súa sustentabilidade, a crise enerxética e alternativas ao modelo de mobilidade actual). Falará Martiño, umha das persoas que fixo o plan de mobilidade da comarca do Morrazo mais Xan Duro, portavoz de Verdegaia.
- O 20 de xullo charla sobre “O dereito de autodeterminación” (a charla é eminentemente pedagóxica onde se explicarán as preguntas frecuentes sobre o dereito de autodeterminación). Falará un membro da portavocia de Causa Galiza e umha persoa de Mugardos na esquerda.

· Economía. Abrimos umha conta para facermos os ingresos dumha cota mensual para as persoas que formamos parte de Mugardos na esquerda. O número de conta de Novacaixa galicia é o seguinte: 2091 0205 39 3000080436 e o titular é “Alternativa galega de esquerda Mugardos”.

As cotas son ao mes: 2€, 5€, 10€, 20€ ou á vontade. En función da situación económica e vontade de cada quen que lhe dea orde ao seu banco para realizar o ingreso trimestralmente (para pagar menos comisións) da cota elexida. (Por exemplo, se quero ingresarlhe a Mugardos na esquerda 5€ ao mes, doulle orde ao meu banco para que ingrese 15€ cada 3 meses).

· Novos contactos. Acordase que se envíen contactos á lista de persoas simpatizantes para enviarlhes as nosas actividades e publicacións. Faise um chamamento para que se envien contactos de simpatizantes (telefones e correios eletrónicos).

· Web e facebook. Acordase renovalas mais amiúdo. Neste sentido acordase escribirmos artigos de opinión das persoas de Mugardos na esquerda e próximas á iniciativa.

· Varios. Acordase abrir contactos coa xente de Fene para axudar a impulsar “Fene na esquerda”. Contactaremos coas persoas de Fene que nos comentaron que queiran comezar para nos reunir con eles.

Comunicado de Mugardos na esquerda logo do noso debut electoral

Facendo un balance do noso traballo, sabiamos que era case imposible sacar representación en só 20 días desde que nos demos a coñecer. Lembremos que nos presentamos publicamente o dia 1 de maio e o 22 foron as elecións. Como xa avisáramos, para nós as elecións municipais de 2011 só foron a pre-campaña do noso traballo enfocado ás elecións de 2015. Como afirmamos nun comunicado feito público antes das elecións: “Vimos para ficar; independentemente do resultado das elecións seguiremos traballando porque temos visión estratéxica e a longo prazo”.

Estamos moi contentos do resultado. Non esperabamos un resultado mellor que o 5% dos votos que obtivemos, igualando en algunhas mesas os resultados de partidos estatais consolidados (acadando resultados similares que PSOE e que IU) como foi o caso do Seixo.

Agora estaremos presentes na vida municipal estes catro anos e saberedes de nós porque imos estar preparando o programa falando coa veciñanza para recoller as súas aportacións, e facendo oposición construtiva dende a rúa, levando o que é prioritario para a veciñanza ao concello e informándovos do que fan e do que incumpren. De momento deixámosvos aquí os nosos obxectivos para estes vindeiros catro anos:

Obxectivos de Mugardos na esquerda de cara ás elecións municipais 2015

1. Estar presentes nos plenos. Unha vez que teñamos feito este traballo, saberemos o que se trata e o que non e poderemos facer oposición desde xa.

2. Realizar charlas informativas relacionadas co concello sobre temáticas nas que a veciñanza estea interesada (transporte, urbanismo, emprego, orzamentos participativos, etc).

3. Editar unha folla informativa sobre o que se fai e o que non no concello a colar en lugares céntricos de cada lugar. É evidente que coma sempre os partidos tradicionais non van cumprir nen a metade do seu programa electoral e iso o ten que saber a veciñanza.

4. Contactar coa veciñanza de Mugardos que poida estar interesada en formar parte do proxecto para incluíla e sumala á alternativa.

5. Reunirnos co tecido asociativo de Mugardos e recoller as suas inquedanzas para levalas ao concello e ao noso programa.

Moitas gracias a todas as persoas que confiaron en nós e prometémosvos que nas próximas estaremos de novo para levar a voz do povo ao concello.

Unha aperta do grupo de veciñas e veciños que estamos a levar adiante esta iniciativa.

PROPOSTAS PARA MEHÁ DE MUGARDOS NA ESQUERDA

Propostas para Mehá de Mugardos na esquerda

· Na nosa parroquia a maioría dos camiños asfaltados existentes carecen do obrigado arzén ou acera propomos a habilitación, polo menos nun lado destas vías dun paseo amplo, nunha actuación respetuosa co medio, nos seguintes camiños:
- Nos Casás, do arzén que vai de Novás até o cruzamento coa estrada que sobe da Areosa.
- Nas Fieteiras, no camiño que vai do Rueiro e do Serrón até o cruzamento coa Pedreira.
- Na Rua Curros Enríquez até confluir coa Xesteira (¨Travesia da academia¨).
- A mesma medida no camiño que funciona de estrada, da rotonda de Rilo, desde Novás, pasa pola Pedreira e vai até S. Vicente na Xesteira.
- Da rotonda da Barca até o Pazo de Rilo.
Nestes camiños indicados, que non funcionan como estradas, limitación da velocidade a un máximo de 30 Km|h, tendo en conta a existencia das vivendas, da escola, do parque da Rega e a concorrencia de persoas a camiñar.

· Creación dun novo sendeiro: Os Casás até A Rega, da Rega á Seaña e da Seaña ao Alto de Simou. Esta arzén, por ser un camiño concorrido, deberíase pechar ao tránsito rodado (salvo para a entrada e saída dos habitantes destes lugares) creando e sinalando un roteiro pedestre moi interesante e tranquilo.

· Reordenación do sentido do tráfico e arzén de estacionamento na Pedreira e Prión. En xeral, esta mellora pretende un mellor aceso ás vivendas da Pedreira, como tamén aos Campos de Futebol da Pedreira.

· Mellora e adecuación dos acesos do final da autovía que sobe até a Pedreira. Reordenación do tráfico.

· Sinalización clara do Campo da Pedreira non só como complexo deportivo, senon tamén como sede do Galicia de Mugardos. Idem, da Asociación de Veciños Cruceiro de Meá (tal e como se fai no Concello de Fene onde son sinalizadas as sedes das entidades culturais e vizinais).

· Soterramentos das liñas de alta tensión e eléctricas, a comezar polas que estean a menos de cinco metros das vivendas.

· Metalúrxica del Atlántico (antiga Cachaza): Estas instalacións pódense reutilizar através dun convenio ben para usos como novo pavillón deportivo; e/ou como nova sede escolar infantil polas necesidades de prazas que ten o Concello.

· Dotación completa de contentores de lixo que permitan a recolla selectiva do lixo: vidro, papel e cartón, aceites e óleos, e non unicamente contentores para orgánicos e plástico nos seguintes lugares: nos Casás; no Rueiro-Serrón; na arzén compreendida entre a escola Loyola e os novos apartamentos da chamada Travesa da Academia-Xesteira; na Barca e na Pedreira.

· Soterramentos dos Contentores dos Catro Camiños, pois está a escola ao lado, e en xeral, fazer a recolla do contido destes contentores cada dez dias, pois ás vezes este arzén parece un vertedeiro.

· Retirada da antena telefónica da Xesteira, a menos de vinte metros da escola Loyola, na Rua Curros Enríquez.

Mugardos na Esquerda: traballo na rúa

Algunha persoas de Mugardos na Esquerda desenvolveron este Domingo, novamente, traballo de rúa polo Concello. Espallar as nosas propostas e ideias e tomar boa nota das inquedanzas dos viciños e viciñas, nun constante diálogo e debate, é tarefa de diário que se repite estes dias polas distintas parróquias mugardesas.